ما هو الفرق بين الذهب عيار 21 وعيار 24 وأيهما أفضل للشراء في الكويت
ما هو الفرق بين الذهب عيار 21 وعيار 24 وأيهما أفضل للشراء
الذهب من المعادن اللي ليها قيمة عالية في كل الدول، سواء للزينة أو للاستثمار، لما تيجي تشتري ذهب في الكويت أو أي دولة تانية، أكيد هتسمع مصطلحات زي ذهب عيار 21 وذهب عيار 24، وعلشان تاخد قرار سليم في الشراء، لازم تكون فاهم الفرق بين العيارين وتحدد أنهي واحد الأنسب ليك حسب استخدامك وميزانيتك.
في المقال ده هنشرح الفرق بين الذهب عيار 21 وعيار 24، ونعرف أنهي الأفضل للشراء في الكويت، سواء بهدف الزينة أو الاستثمار.
ما هوا عيار الذهب
عيار الذهب هو مقياس لنسبة نقاء الذهب، يعني لما نقول ذهب عيار 24، فده معناه ان القطعة دي مصنوعة من ذهب نقي بنسبة 99.9 في المية تقريبا، كل ما قل الرقل كل ما قلت نسبة الذهب وزادت نسبة المعادن التانية اللي بتدخل معاه في التكوين.
فيه عيارات مشهورة جدا في السوق زي:
عيار 24: ذهب نقي تقريبا
عيار 22: ذهب بنسبة 91.6 في المية
عيار 21: ذهب بنسبة 87.5 في المية
عيار 18: ذهب بنسبة 75 في المية
دلوقتي نبدأ نقارن بين عيار 21 وعيار 24 بالتفصيل.
الفرق بين الذهب عيار 21 وعيار 24
اولا: نسبة النقاء
عيار 24 هو أنقى أنواع الذهب المتاحة في السوق. بيتكون من 99.9 في المية ذهب خالص تقريبا، وعلشان كده لونه بيكون أصفر لامع جدا.
عيار 21 فيه نسبة نقاء أقل شوية، حوالي 87.5 في المية ذهب، والباقي بيكون معادن تانية زي النحاس أو الفضة.
ثانيا: الصلابة والتحمل
عيار 24 بيكون طري وسهل يتشكل وده بيخليه مش مناسب للاستخدام اليومي أو للزينة، القطع المصنوعة منه ممكن تتني أو تتجرح بسهولة.
عيار 21 بيكون أكثر صلابة لأنه مخلوط بمعادن تانية، وده بيخليه مناسب أكتر لصناعة المجوهرات اللي بتستخدم كتير وبتتعرض للحركة.
ثالثا: السعر
عيار 24 سعره أعلى لأنه أنقى، وده معناه إن تكلفة الجرام منه بتكون أغلى.
عيار 21 أقل في السعر بسبب انخفاض نسبة الذهب فيه، وعلشان كده بيكون في متناول عدد أكبر من الناس.
رابعا: الشكل واللون
عيار 24 لونه أصفر براق جدا، وده بيخليه محبب للبعض اللي بيفضلوا اللمعة الواضحة.
عيار 21 لونه بيكون أهدى شوية، بس بيحتفظ بجمال الذهب الطبيعي وفي نفس الوقت بيكون عملي أكتر.
ما هوا العيار الافضل للشراء في الكويت
الإجابة هنا بتعتمد على هدفك من شراء الذهب.
لو ناوي تشتري بهدف الاستثمار:
في الحالة دي، عيار 24 هو الأنسب لأنه ذهب نقي وسهل في عملية البيع وإعادة التسييل.
السبائك والعملات الذهبية اللي بتتباع في الكويت غالبا بتكون من عيار 24 وبتكون عليها ختم رسمي من المصرف أو الشركة المصنعة.
لو ناوي تشتري للزينة أو للاستخدام اليومي:
يبقى عيار 21 هو الأفضل. لأنه متين ومناسب للبس اليومي. وكمان تصميماته متنوعة جدا وبتلاقيه في كل محلات المجوهرات في الكويت.
نصايح قبل ما تشتري ذهب في الكويت
تابع أسعار الذهب يوميا: السوق بيتغير كل يوم، فتابع السعر علشان تشتري في الوقت المناسب.
اشتري من محل موثوق: لازم تتأكد إن المحل عنده شهادات وضمانات، خصوصا لو بتشتري سبايك أو عملات.
اسأل عن المصنعية: المصنعية بتزود السعر النهائي، وبتكون أقل في السبائك وأعلى في المجوهرات.
احتفظ بالفاتورة: لأنك ممكن تحتاج تبيع بعدين أو تبدل القطعة، والفاتورة هتثبت حقوقك.
اتأكد من العيار: لازم تشوف الختم على القطعة وتتأكد إنها فعلا من العيار اللي اتقال لك عليه.
الفرق الأساسي بين الذهب عيار 21 وعيار 24 بيكون في النقاء، السعر، المتانة، والاستخدام، عيار 24 بيكون الأفضل للاستثمار وادخار القيمة، أما عيار 21 فهو الأنسب للزينة والاستخدام اليومي بسبب قوته وتنوع تصميماته.
أسعار الذهب اليوم في الكويت الخميس 22 مايو 2025 – تغيرات طفيفة في السوق المحلي
